唔食魚生，都仲有好多選擇 :)

因為肚仔好易唔舒服，所以我好少食生野，於是好多人就會問：「咁你去日本餐廳食咩？」吓？其實好多選擇架喎，好似今晚我去到尖沙咀棉登徑既「嵐山日本料理」，就食左好多美食！

白飯魚乾番茄豆腐沙律 ($58)

豆腐夠滑，但唔算好重豆腐味，番茄同沙律菜都夠新鮮，但講到最喜歡，都係放響面頭既白飯魚乾，係由好多魚仔結合而成，又脆又薄，帶有魚香同焦香，好啱食。

燒茄子 ($48)

味道偏向清淡，面頭加上木魚絲調味，簡單又不會肥膩。

串燒特大虎蝦 ($156)

鹽燒，虎蝦大隻啖啖肉，肉質彈牙鮮甜，蝦頭有膏，好食。

長筒魷魚 ($68)

鍾意食海鮮，所以叫多碟魷魚筒。以日本燒汁調味，甜甜的；魷魚大隻又厚肉，燒得香，尤其魷魚鬚部分，有焦香，必點。

網燒安格斯 ($158)

火候控制得好，面頭微焦，內裡肉質仍保持嫰紅，有肉香，一樣好喜歡！