餐廳採用開放式廚房，全部食物製作一目了然，令客人食得更安心。最特別係餐廳自設薄餅火爐，感覺好Pro，上網翻查資料，原來呢度係全港唯一一間獲得Verace Pizza Napoletana認證既餐廳，證明薄餅夠晒意大利正宗。
Raspberry Bellini ($108) + Aged Balsamic Punch ($58)
黎到蘭桂芳，點都要飲杯酒！我點既係雞尾酒Raspberry Bellini，甜甜地好易入口，啱晒女士；純情小兔兔朋友堅持唔飲酒，Aged Balsamic Punch不含酒精，加入左新鮮無花果同果汁，屬清新之選。
Gorgonzola Piemontese ($52)
朋友係芝士怪，所以呢晚都點左唔少芝士菜式。首先係呢味Gorgonzola Piemontese，即是藍芝士配乳酪。藍芝士聽得多，一直知道佢係好重口味，所以一直都唔敢試，但呢一款加入左乳酪，就變得親民得多，我覺得有少少似腐乳，都接受得到。
Funghi e Barbabietole ($118)
Panzanella ($88)
之後係兩款沙律，Funghi e Barbabietole係唔同既蔬菜+紅菜頭+香菇+水牛芝士，Panzanella主要材料就包括番茄、橄欖、洋蔥等等，面頭灑上左芝士碎。我個人較喜歡前者，因為有我鍾意既火箭菜，紅菜頭暖暖地、甜甜地，加埋黑醋既點綴，好食！
Fregola con Frutti di Mare ($178)
如果我話你知，上圖係Pasta，你會唔會覺得好意外？果D好細粒既圓形粒粒，就係意粉啦！好得意！煙煙靭靭咁幾好食。配料有鮮蝦、青口、蜆等，全部海鮮都新鮮，鮮蝦彈牙，青口同蜆都軟嫰，加上個微酸帶辣既番茄汁，感覺好fresh！
Margherita Pizza ($118)
終於到主角 -- Pizza出場啦！材料好簡單，只係番茄、芝士、香草，感覺幾raw幾舒服；Pizza底亦做得好，夠煙靭，邊皮烤得微焦，夠香口。
Tiramisu ($78)
黎到意大利餐廳，當然要試個意大利蛋糕Tiramisu。呢度的確做得好，creamy得黎又夠sweet，手指餅有酒香同咖啡香，整體感覺都好。
Hot Chocolate ($40)
最後叫埋野飲，乖乖地要兩杯熱朱古力，估唔到咁light，淡淡既朱古力味，令人飲得舒服，滿足晒啦！
沒有留言:
張貼留言
注意：只有此網誌的成員可以留言。