我幫襯既係陶源酒家，佢地將D大閘蟹堆左座山出黎，場面都幾壯觀。如果你識揀蟹既話，更可以揀啱先蒸。
四兩大閘蟹 $128；五兩大閘蟹 $168
今日食既兩隻都係蟹公，唔算爆膏，但蟹膏幾甘香，難得既係連蟹肉都好鮮甜。有時我食大閘蟹會懶懶地唔食D腳，今次就食晒所有蟹腳，可能餓大閘蟹太耐啦，Yummy。
蟹粉小籠包 $28/隻
將小籠包咬開，立即爆湯，入面有齊蟹膏、蟹肉，味道都幾濃，加幾滴醋吊一吊味，滿足！
蟹粉花膠豆腐 $138
可以清楚見到一舊舊蟹膏，無花無假，蟹味濃郁；豆腐同花膠都養顏，自覺食完靚女左！
薑茶湯丸 $18
食完咁多蟹，老人家話會涼，所以點左碗薑茶湯丸，芝麻餡，軟綿綿，薑湯唔會過甜或過辣，食完呢碗好暖胃，舒服晒！
沒有留言:
張貼留言
注意：只有此網誌的成員可以留言。