2017年3月1日 星期三

食物好,服務也好的Cafe Paradise


響長沙灣一堆工廈之間,突然見到一間好養眼既餐廳,就好似沙漠中既綠洲咁,都肚餓啦,一於入黎醫肚!



餐廳唔大,D枱都幾密,七點半黎到,已經全部客滿,呢個指標話我知,餐廳應該幾好食,可以放心點菜。



香煎墨魚餅 ($32),爽口彈牙,而且入面有粒粒墨魚,真材實料,就咁食已經好好,加埋泰式甜辣醬,更惹味!


辣辣芝麻雞翼 ($45),出面炸到好脆,入面雞肉仍然嫰滑;幾鍾意面頭灑上既芝麻同香草,好香,辣味唔重,不嗜辣者都食到。





除左小食,仲order左兩個晚餐。280克美國頂級肉牛扒配燒汁 ($208),牛扒好有肉味,廚師只係用左鹽同黑椒簡單調味,已經good enough;值得一提係旁邊既薯蓉,竟然加入左黑松露,好香,夠心思!



香脆豬手配燒汁 ($148),豬皮燒到脆卜卜,入面豬手肉好滑,有少少肥,唔會太乾身,即食兩大啖,補充骨膠原先!


個餐包埋甜品,今晚係士多啤梨mousse cake,香滑,好鍾意廚師寫上既字,好靚又感受到餐廳既誠意。

順帶一提,呢度既侍應靚女又helpful,令我過左一個愉快既晚上!




沒有留言:

張貼留言

注意:只有此網誌的成員可以留言。